ఒక వ్యక్తి తన పూజాదికములు ముగించి ఉదయమే ఏదో పనిమీద వెడుతున్నప్పుడు పొరుగుడువాడు దారిలో కలిసి "స్వామీ పూజ సక్రమముగా ముగిసినదా?" అని ప్రశ్నించాడు.
" ఆ ఎప్పుడో!" అని సమాధానమిచ్చిన ఎడల అది అహంకారపూరిత సమాధానము, ఆ వ్యక్తి చేసినది రాజసిక పూజ అని గ్రహించవలెను. అలాకాక, "భగవంతుని దయచే స్వామి సేవ సక్రమముగా ముగిసినది" అని సమాధానమిచ్చిన ఆ వ్యక్తి సాత్విక స్వభావముచేత పూజ ముగించెనని గ్రహించవలెను. ఇక్కడ ఆవ్యక్తి పొరుగువానిలో కూడా సాత్విక భావము ఇనుమడించేలా సమాధానమొసిగినాడని గ్రహించవలెను. మన సంభాషణము ఎదుటవానిలో సాత్వికభావనలు పెంపొందేలా చూచుకోవటము ప్రతి వారి కర్తవ్యము
No comments:
Post a Comment